ಬೆಂಗಳೂರು ದಕ್ಷಿಣ ಜಿಲ್ಲೆಯ ಕನಕಪುರ ತಾಲೂಕಿನ ಬೆಟ್ಟೆಗೌಡನದೊಡ್ಡಿ ಗ್ರಾಮದಲ್ಲಿ ಆಘಾತಕಾರಿ ಘಟನೆ: ಸುಂದರ ಬಂಗಲೆಯ ಸ್ವಿಮ್ಮಿಂಗ್ ಪೂಲ್ನಲ್ಲಿ 32 ವರ್ಷದ ಗೃಹಿಣಿ ಪ್ರತಿಭಾ ಅವರ ಮೃತದೇಹ ಪತ್ತೆಯಾಗಿದೆ. ಸಾವಿನ ಹಿನ್ನೆಲೆಯಲ್ಲಿ ಅನೇಕ ಅನುಮಾನಗಳು ಎದ್ದಿವೆ.
ಪತಿ ನಂಜೇಗೌಡನ ವಾದ: “ಪ್ರತಿಭಾಗೆ ಹೊಟ್ಟೆ ನೋವು ಇತ್ತು. ಬಾಗಿಲು ತೆಗೆಯುತ್ತಿಲ್ಲ ಎಂದು ಹೋಗಿ ನೋಡಿದಾಗ ಸ್ವಿಮ್ಮಿಂಗ್ ಪೂಲ್ನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಳು” ಎಂದು ಹೇಳಿದ್ದಾರೆ. ಆದರೆ ಪ್ರತಿಭಾ ಕುಟುಂಬಸ್ಥರು ತೀವ್ರ ಆಕ್ರೋಶ: “ಇದು ಸ್ಪಷ್ಟ ಕೊಲೆ! ಮೊದಲ ಹೆಂಡತಿ ವಿಷಯದಲ್ಲಿ ಗಲಾಟೆ ನಡೆದಿತ್ತು. ನಂಜೇಗೌಡ ಸ್ವತಃ ಈ ಕೃತ್ಯಕ್ಕೆ ಕಾರಣ” ಎಂದು ಆರೋಪಿಸುತ್ತಿದ್ದಾರೆ.
ಕೋಡಿಹಳ್ಳಿ ಪೊಲೀಸ್ ಠಾಣೆಯ ತಂಡ ಸ್ಥಳೀಯ ಮಾಹಿತಿ ತೆಗೆದುಕೊಂಡು, ಪ್ರಾಥಮಿಕ ತನಿಖೆ ನಡೆಸಿದ್ದು, ದೃಶ್ಯಾವಲೋಕನ, ಸ್ಥಳೀಯ ಸಾಕ್ಷಿಗಳ ವಿಚಾರಣೆ ಮತ್ತು CCTV ಫೂಟೇಜ್ ಸಂಗ್ರಹಿಸಿದ್ದಾರೆ. ಮರಣೋತ್ತರ ವರದಿ ಬರಲು ಕಾಯುತ್ತಿದ್ದು, ಪ್ರಮುಖ ಸಂದೇಶಕ್ಕೆ ಡಿಎಸ್ಪಿ ತುರ್ತು ತಂಡ ನಿಯೋಜಿಸಿದ್ದಾರೆ.
ಈ ಘಟನೆಯಿಂದ ಗ್ರಾಮದಲ್ಲಿ ಭಯ ವಾತಾವರಣ ನಿರ್ಮಾಣವಾಗಿದ್ದು, ಪೊಲೀಸ್ “ಎಲ್ಲ ಅಂಶಗಳನ್ನು ತೀರ್ಮಾನಗೊಳಿಸಿ ನ್ಯಾಯ ಒದಗಿಸುತ್ತೇವೆ” ಎಂದು ಭರವಸೆ ನೀಡಿದ್ದಾರೆ.
ವರದಿ :- ಆಂಟೋನಿ ಪತ್ರಕರ್ತ
