ಬೆಂಗಳೂರು: ಭಾರತದಲ್ಲಿ ಮೊದಲ ಬಾರಿಗೆ ಸಂಪೂರ್ಣ ದೇಶೀಯ ತಂತ್ರಜ್ಞಾನದ ಆಧಾರದಲ್ಲಿ ತಯಾರಿಸಲಾದ ವಿಮಾನ ನಿಲ್ದಾಣ ರನ್ವೇ ಸ್ವಚ್ಛತಾ ವಾಹನವನ್ನು ನೋಯ್ಡಾ ಇಂಟರ್ನ್ಯಾಷನಲ್ ಏರ್ಪೋರ್ಟ್ ಲಿಮಿಟೆಡ್ಗೆ (ಎನ್.ಐ.ಎ.ಎಲ್) ಅಧಿಕೃತವಾಗಿ ಹಸ್ತಾಂತರಿಸಲಾಯಿತು.
ಈ ವಾಹನವನ್ನು ಬೆಂಗಳೂರು ಮೂಲದ ಆನ್ಲಾನ್ ಟೆಕ್ನಾಲಜಿ ಸೊಲ್ಯೂಷನ್ಸ್ ಲಿಮಿಟೆಡ್ ಅಭಿವೃದ್ಧಿಪಡಿಸಿದ್ದು, ಭಾರಿ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಎಂ.ಬಿ. ಪಾಟೀಲ ಅವರು ಸೋಮವಾರ ಕೈಮುಗಿದಿದ್ದಾರೆ.
ಸ್ವದೇಶಿ ನವೋದ್ಯಮದ ಮತ್ತೊಂದು ಹಂತ‘ಮೇಕ್ ಇನ್ ಇಂಡಿಯಾ’ ಯೋಜನೆಯಡಿ ಸ್ವಿಟ್ಜರ್ಲ್ಯಾಂಡ್ನ ಬುಖರ್ ಮುನಿಸಿಪಲ್ ಕಂಪನಿ ಸಹಯೋಗದಲ್ಲಿ ದೊಡ್ಡಬಳ್ಳಾಪುರದ ಆದಿನಾರಾಯಣ ಹೊಸಹಳ್ಳಿಯ ಕೈಗಾರಿಕಾ ಘಟಕದಲ್ಲಿ ಈ ವಾಹನವನ್ನು ಜೋಡಣೆ ಮಾಡಿ ತಯಾರಿಸಲಾಗಿದೆ. ಎರಡು ಮಾದರಿಯ ಈ ವಾಹನಗಳ ಕೀಲಿಗಳನ್ನು ಎನ್.ಐ.ಎ.ಎಲ್ನ ಪ್ರತಿನಿಧಿ ಪ್ರದೀಪ್ ರಾಣಾ ಅವರಿಗೆ ಸಚಿವರು ಹಸ್ತಾಂತರಿಸಿದರು.
ವಿಶೇಷ ತಾಂತ್ರಿಕತೆಈ ರನ್ವೇ ಕ್ಲೀನಿಂಗ್ ವಾಹನವು ವಿಮಾನಗಳ ಸುರಕ್ಷತೆಗಾಗಿ ವಿನ್ಯಾಸಗೊಂಡಿದ್ದು, ಟೈರ್ಗಳಿಗೆ ಅಪಾಯಕಾರಿಯಾದ ಮೊಳೆಗಳು, ಚುಚ್ಚುವ ಲೋಹದ ತುಂಡುಗಳು ಹಾಗೂ ಇತರ ಕಸಗಳನ್ನು ತ್ವರಿತವಾಗಿ ತೆಗೆಯುತ್ತದೆ.
ಇದಲ್ಲದೆ ರನ್ವೇ ಮೇಲಿನ ಧೂಳನ್ನು ಹೀರಿಕೊಳ್ಳುವುದು, ಪಾಚಿ ಮತ್ತು ತೊಂಡರೆ ಉಂಟುಮಾಡಬಹುದಾದ ಅಂಶಗಳನ್ನು ತೆರವುಗೊಳಿಸುವ ಸಾಮರ್ಥ್ಯ ಹೊಂದಿದೆ.ಸ್ಥಳೀಯ ಉತ್ಪಾದನೆಗೆ ಉತ್ತೇಜನ ಕಾರ್ಯಕ್ರಮದಲ್ಲಿ ಮಾತನಾಡಿದ ಸಚಿವ ಎಂ.ಬಿ. ಪಾಟೀಲ ಅವರು, “ಆನ್ಲಾನ್ ಮುಂತಾದ ಸಂಸ್ಥೆಗಳು ದೇಶದ ಪೂರೈಕೆ ಸರಪಳಿಯ ಬಲವಾಗಿವೆ.
ಸರ್ಕಾರದ ಹೊಸ ಕೈಗಾರಿಕಾ ನೀತಿ (2025–30)ಅಡಿಯಲ್ಲಿ ಇಂತಹ ತಂತ್ರಜ್ಞಾನಾಧಾರಿತ ಕಂಪನಿಗಳಿಗೆ ಗುರಿ-ಆಧಾರಿತ ಬೆಂಬಲ ಮತ್ತು ರಫ್ತು ಮಾರುಕಟ್ಟೆಗಳಿಗೆ ಪ್ರೋತ್ಸಾಹ ನೀಡಲಾಗುತ್ತದೆ,” ಎಂದು ಹೇಳಿದರು.
ಅವರು ಮುಂದುವರೆದು, “ಆನ್ಲಾನ್ ಕಂಪನಿಯು ಸರ್ಕಾರದ ಸಕಾರಾತ್ಮಕ ನೀತಿಗಳನ್ನು ಬಳಸಿ ಜಾಗತಿಕ ಮಟ್ಟದಲ್ಲಿ ಸ್ಪರ್ಧಿಸಬೇಕು. ನಮ್ಮ ಉದ್ದೇಶ — ಚೀನಾ ಹಾಗೂ ವಿಯೆಟ್ನಾಂ ತರಹ ತಯಾರಿಕಾ ವಲಯದಲ್ಲಿ ಭಾರತವನ್ನು ಮುಂಚೂಣಿಗೆ ತರುವುದು,” ಎಂದರು.
ಉದ್ಯೋಗಾವಕಾಶಗಳ ಕುರಿತು ಘೋಷಣೆ ಮಾಧ್ಯಮದ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಿದ ಸಚಿವ ಪಾಟೀಲ ಅವರು, “ಫಾಕ್ಸ್ಕಾನ್ ಸಂಸ್ಥೆ ಈಗಾಗಲೇ 30,000 ಮಂದಿಗೆ ಉದ್ಯೋಗ ನೀಡಿದ್ದು, ಅವರಲ್ಲಿ ಶೇ.80 ಮಹಿಳೆಯರೇ ಆಗಿದ್ದಾರೆ. ಮುಂದಿನ ಹಂತದಲ್ಲಿ ಹೆಚ್ಚುವರಿ 20,000 ಉದ್ಯೋಗ ಸೃಷ್ಟಿಯಾಗಲಿದೆ,” ಎಂದು ತಿಳಿಸಿದ್ದಾರೆ.
ಅವರು ಸ್ಥಳೀಯ ಉದ್ಯಮಿಗಳ ಜೊತೆಗೂ ಮಾತುಕತೆ ನಡೆಸಿ, ಕೈಗಾರಿಕೆ ವಿಸ್ತರಣೆಗೆ ಬೇಕಾದ ಭೂಮಿ ಒದಗಿಸಲು ಸರ್ಕಾರ ಮುಂದಾಗುತ್ತದೆ ಎಂದು ಭರವಸೆ ನೀಡಿದರು.ಉಪಸ್ಥಿತ ಗಣ್ಯರು ಕಾರ್ಯಕ್ರಮದಲ್ಲಿ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಉನ್ನಿಕೃಷ್ಣನ್ ನಾಯರ್ ಪಿ.ಎಂ., ಮಾಜಿ ಶಾಸಕರು ವೆಂಕಟರಮಣ, ಲೆಕ್ಕಪರಿಶೋಧಕ ಜಿ.ಜಿ. ಪಾಟೀಲ ಹಾಗೂ ನೋಯ್ಡಾ ವಿಮಾನ ನಿಲ್ದಾಣದ ಅಧಿಕಾರಿಗಳು ವಿನೋದ್ ಮೊದಲಾದವರು ಹಾಜರಿದ್ದರು.
(ವರದಿ: ಆಂಟೊನಿ)
