ಮೈಸೂರು: ಸಾಂಸ್ಕೃತಿಕ ನಗರಿ ಮೈಸೂರನ್ನು ಕಾಡುತ್ತಿರುವ MDMA ಮಾದಕ ದ್ರವ್ಯ ಹೆಮ್ಮೆಗೆ ಖಾಕಿ ಪಡೆಯಿಂದ ತೀವ್ರ ಹೋರಾಟ. ಕಳೆದ ಆರು ತಿಂಗಳಲ್ಲಿ ಎರಡು ದೊಡ್ಡ ತಯಾರಿಕಾ ಘಟಕಗಳ ಪತ್ತೆಯ ನಂತರ ಪೊಲೀಸರು ಜಾಗ್ರತರಾಗಿ ಸಮಾಜದ ಶತ್ರು ಗುಂಪುಗಳ ವಿರುದ್ಧ ದಿಟ್ಟ ಹೊಡೆತ ನೀಡುತ್ತಿದ್ದಾರೆ.
ನಗರ ಪೊಲೀಸ್ ಕಮಿಷನರ್ ಸೀಮಾ ಲಾಟ್ಕರ್ ಮತ್ತು DCP ಸುಂದರ್ ರಾಜ್ನ ನೇತೃತ್ವದಲ್ಲಿ ACP ರವಿಪ್ರಸಾದ್ ಉಸ್ತುವಾರಿಯಲ್ಲಿ 14 ವಿಶೇಷ ತಂಡಗಳನ್ನು ರೂಪಿಸಲಾಗಿದೆ. ಇನ್ಸ್ಪೆಕ್ಟರ್ಗಳು ಮತ್ತು ಸಬ್-ಇನ್ಸ್ಪೆಕ್ಟರ್ಗಳನ್ನು ಒಳಗೊಂಡ ಈ ತಂಡಗಳು ಕೈಗಾರಿಕಾ ಪ್ರದೇಶಗಳಲ್ಲಿ 24/7 ನಿಗಾ ಇಟ್ಟಿವೆ. ವಿಶೇಷವಾಗಿ ಕೆಮಿಕಲ್ ಆಧಾರಿತ ಕಾರ್ಖಾನೆಗಳನ್ನು ಗುರಿಯಾಗಿಸಿ ಇಂಚು-ಇಂಚು ತಿರುಗಾಟ ನಡೆಸುತ್ತಿದ್ದಾರೆ.
ಹೆಬ್ಬಾಳು, ಹೂಟಗಲ್ಲಿ, ಕೂರ್ಗಳ್ಳಿ, ಮೇಟಗಲ್ಲಿ, ಬನ್ನಿಮಂಟಪ ಮತ್ತು ಹಿನಕಲ್ ಜೋನ್ಗಳಲ್ಲಿ ತಪಾಸಣೆ ವೇಗ ಪಡೆದಿದೆ. ಕಳೆದ ಮೂರು ದಿನಗಳಲ್ಲಿ ಮೈಸೂರು ಮಾತ್ರವಲ್ಲ, ಮಂಡ್ಯ ಜಿಲ್ಲೆಯಲ್ಲೂ 250ಕ್ಕೂ ಹೆಚ್ಚು ಫ್ಯಾಕ್ಟರಿಗಳು, ಗೊಡೌನ್ಗಳು ಮತ್ತು ಇಂಡಸ್ಟ್ರಿಯಲ್ ಶೆಡ್ಗಳನ್ನು ಪರಿಶೀಲಿಸಲಾಗಿದೆ. FSL ತಂಡವೂ ಪೊಲೀಸರಿಗೆ ಸಹಕಾರ ನೀಡುತ್ತಿದೆ.
ಜುಲೈ 2025ರಲ್ಲಿ ಸಿದ್ದಿಕ್ ನಗರದ ರಿಂಗ್ ರಸ್ತೆಯ ಬಳಿ ಮುಂಬೈ ನಾರ್ಕಾಟಿಕ್ಸ್ ತಂಡವು MDMA ಉತ್ಪಾದನಾ ಘಟಕವನ್ನು ಕಂಡುಹಿಡಿದು ಕೋಟ್ಯಾಂತರ ಮೌಲ್ಯದ ಡ್ರಗ್ಸ್ ಮತ್ತು ರಾವ್ ಮೆಟೀರಿಯಲ್ಗಳನ್ನು ವಶಪಡಿಸಿತು. ಇದಕ್ಕೆ ನಾಲ್ಕು ದಿನಗಳ ಹಿಂದಹೆಬ್ಬಾಳು ಕೈಗಾರಿಕಾ ಪ್ರದೇಶದಲ್ಲಿ ದೆಹಲಿ NCB ತಂಡ ಫೆನಾಯಿಲ್ ಉತ್ಪಾದನಾ ಘಟಕಕ್ಕೆ ದಾಳಿ ಮಾಡಿ ದೊಡ್ಡ ಪ್ರಮಾಣದ ಕಚ್ಚಾ ಸಾಮಗ್ರಿಗಳನ್ನು ಹಿಡಿದಿತು. ಈ ಘಟನೆಗಳು ಸ್ಥಳೀಯ ಪೊಲೀಸರ ಕಾರ್ಯಕ್ಷಮತೆಗೆ ಸವಾಲು ಮೂಡಿಸಿವೆ. ಇಂತಹ ಘಟನೆಗಳು ಮರುಕಳಿಸದಂತೆ ತಡೆಯಲು ಈ ದೊಡ್ಡ ತಪಾಸಣೆ ಚಾಲನೆಯಾಗಿದೆ.
ವರದಿ :- ಆಂಟೋನಿ ಪತ್ರಕರ್ತ
