ಟೆಹ್ರಾನ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್ನಲ್ಲಿ ಪ್ರತಿಭಟನೆಗಳಲ್ಲಿ ಸಾಮಾನ್ಯ ಪೌರರನ್ನು ಕೊಂದರೆ ದಾಳಿ ಮಾಡುತ್ತೇವೆ ಎಂದು ಬೆದರಿಕೆ ಹಾಕಿದ್ದಾರೆ. ಇದಕ್ಕೆ ತಕ್ಕಂತೆ ಇರಾನ್ ಕೂಡಾ ತೀಕ್ಷ್ಣ ಉತ್ತರ ನೀಡಿದೆ. ಟೆಹ್ರಾನ್ನಲ್ಲಿ ಯಾವುದೇ ರೀತಿಯ ದಾಳಿ ನಡೆದರೂ ಅದನ್ನು “ನಮ್ಮ ವಿರುದ್ಧದ ಪೂರ್ಣ ಯುದ್ಧ” ಎಂದು ಭಾವಿಸಿ ಕಠಿಣ ಪ್ರತಿಕ್ರಿಯೆ ನೀಡುತ್ತೇವೆ ಎಂದು ಇರಾನ್ ಟ್ರಂಪ್ಗೆ ಸ್ಪಷ್ಟ ಎಚ್ಚರಿಕೆ ನೀಡಿದೆ.
ಅಮೆರಿಕದ ದೊಡ್ಡ ಸೇನಾ ಪಡೆಗಳು ಮಧ್ಯಪ್ರಾಚ್ಯ ದೇಶಗಳತ್ತ ಸಾಗುತ್ತಿರುವ ಹಿನ್ನೆಲೆಯಲ್ಲಿ ಈ ಬೆಳವಣಿಗೆ ಸಂಭವಿಸಿದೆ. ಇರಾನ್ನ ಅಯತೊಲ್ಲಾ ಅಲಿ ಖಮೇನಿ ಸರ್ಕಾರದ ವಿರುದ್ಧ ದೇಶದೊಳಗೆ ಉಂಟಾಗಿದ್ದ ದಂಗೆಗಳನ್ನು ನಿಯಂತ್ರಿಸಲು ಸಫಲವಾಗಿದ್ದರೂ, ಅಮೆರಿಕದ ನಿರಂತರ ಸೇನಾ ಬೆದರಿಕೆಗಳಿಗೆ ಇರಾನ್ ಖಂಡಿತವಾಗಿ ಎದುರಿಸುತ್ತದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
“ಈ ಬಾರಿ ಯಾವುದೇ ದಾಳಿ – ಅದು ಸಣ್ಣದಾದರೂ, ದೊಡ್ಡದಾದರೂ, ಕ್ಷಿಪಣಿ, ಡ್ರೋನ್ ಅಥವಾ ಯಾವುದೇ ರೂಪದಲ್ಲಿದ್ದರೂ – ನಾವು ಅದನ್ನು ಸಂಪೂರ್ಣ ಯುದ್ಧವೆಂದೇ ಗುರುತಿಸುತ್ತೇವೆ. ಅದಕ್ಕೆ ಸಾಧ್ಯವಾದ ಎಲ್ಲಾ ಶಕ್ತಿಯನ್ನು ಬಳಸಿ ಪ್ರತ್ಯುತ್ತರ ನೀಡುತ್ತೇವೆ” ಎಂದು ಆ ಅಧಿಕಾರಿ ರಾಯಿಟರ್ಸ್ ಸುದ್ದಿ ಸಂಸ್ಥೆಗೆ ಹೇಳಿದರು.
ಇರಾನ್ನಲ್ಲಿ ಖಮೇನಿ ಆಡಳಿತದ ವಿರುದ್ಧ ಉద್ಭವಿಸಿದ್ದ ಅಶಾಂತಿಗಳನ್ನು ಅಮೆರಿಕ ಬಳಸಿಕೊಂಡು ದೇಶವನ್ನು ದುರ್ಬಲಗೊಳಿಸುವ ಪ್ರಯತ್ನ ಮಾಡಿತ್ತು. ಆದರೆ ಸರ್ಕಾರ ಆ ಪರಿಸ್ಥಿತಿಯನ್ನು ನಿಗ್ರಹಕ್ಕೆ ತಂದಿದೆ. ನ್ಯೂಯಾರ್ಕ್ ಟೈಮ್ಸ್ ವರದಿಯ ಪ್ರಕಾರ, ಅಮೆರಿಕದ ವಿಮಾನವಾಹಕ ನೌಕೆ ‘ಅಬ್ರಾಹಾಂ ಲಿಂಕನ್’, ಟೊಮಹಾಕ್ ಕ್ಷಿಪಣಿಗಳೊಂದಿಗೆ ಮೂರು ವಿಧ್ವಂಸಕ ನೌಕೆಗಳು ಮತ್ತು 12 F-15E ಯುದ್ಧ ವಿಮಾನಗಳು ಈ ಪ್ರದೇಶಕ್ಕೆ ತೆಗೆದುಕೊಂಡಿದ್ದಾರೆ. ಇದರಿಂದ ಮಧ್ಯಪ್ರಾಚ್ಯದಲ್ಲಿ ಯುದ್ಧದ ಆತಂಕ ಹೆಚ್ಚುತ್ತಿದೆ.
ವರದಿ :- ಆಂಟೋನಿ ಪತ್ರಕರ್ತ
